4 noyabr 2023-cü il tarixində Ekologiya və Təbii Sərvətlər Nazirliyi və “ASAN xidmət”in “YAŞAT” Fondunun birgə əməkdaşlığı çərçivəsində ağacəkmə aksiyası keçirilib.

8 Noyabr - Zəfər Gününə həsr olunan tədbir çərçivəsində Müşfiqabad qəsəbəsində 1000 ədəd şam və zeytun ağacı əkilib.

Aksiyada Ekologiya və Təbii Sərvətlər Nazirliyinin, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin rəsmiləri və nümayəndələri, “ASAN xidmət”in şəhid ailə üzvləri və müharibə iştirakçıları olan əməkdaşları, eyni zamanda ASAN könüllülər və ekokönüllülər iştirak edib.