“Şəhərsalma və Memarlıq İli” çərçivəsində Ekologiya və Təbii Sərvətlər Nazirliyinin təşkilatçılığı ilə Bakının Müşfiqabad qəsəbəsində ağacəkmə aksiyası keçirilib.
Novruz bayramının ikinci çərşənbəsi olan Od çərşənbəsi münasibətilə təşkil edilən aksiya çərçivəsində Kaspi liseyinin şagirdləri və ekokönüllülərin iştirakı ilə Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.
Aksiyanın məqsədi yaşıllıq sahələrinin genişləndirilməsini təşviq etmək, ətraf mühitin mühafizəsinə diqqəti artırmaq, iqlim dəyişikliyi ilə mübarizəyə töhfə vermək, həmçinin məktəblilər arasında ekoloji məsuliyyət hissini gücləndirmək və təbiətə qayğı mədəniyyətini formalaşdırmaqdır.
Qeyd edək ki, təşkil olunan ağacəkmə aksiyaları Bakıda keçiriləcək Ümumdünya Ətraf Mühit Günü və Ümumdünya Şəhərsalma Forumu (WUF13) ərəfəsində ölkəmizdə ekoloji təşəbbüslərin təşviqi, ətraf mühitin qorunmasına ictimai diqqətin artırılması və yaşıllaşdırma tədbirlərinin davamlı şəkildə həyata keçirilməsinə xidmət edir.
04
Mart
2026
