Ağac ək


Dünya Torpaq Günü ərəfəsində ağacəkmə aksiyası keçirilib

icon donation 02 Dekabr 2023

 
5 dekabr Dünya Torpaq Günü ilə əlaqədar Ekologiya və Təbii Sərvətlər Nazirliyinin nümayəndələrinin, Azərbaycan Milli Konservatoriyası tərkibində İncəsənət Gimnaziyasının şagird və müəllimlərinin, Humanist Pedaqogika Mərkəzinin üzvlərinin, Gənc İqlim Elçilərinin və ekokönüllülərin iştirakı ilə ağacəkmə aksiyası keçirilib.

Müşfiqabad qəsəbəsinin 1 hektar ərazisində Abşeron yarımadasının torpaq-iqlim şəraitinə uyğun 650 ədəd Eldar şamı və zeytun ağacları əkilib.

Qeyd edək ki, ərazi damcılı suvarma sistemi ilə təchiz olunub və yaşıllıqların suvarılmasında qəsəbədə formalaşan tullantı sularının təmizlənməsindən əldə edilən texniki sulardan istifadə olunur.

Xatırladaq ki, Dünya Torpaq Günü BMT tərəfindən 5 dekabr 2014 –cü il tarixində elan edilib. Bu il Dünya Torpaq Günü “Torpaq və su - həyat mənbəyidir” devizi altında qeyd edilir. Dayanıqlı inkişaf torpaq və su arasındakı qiymətli əlaqədən asılıdır.

Tərəfdaş

TamEko
VISA Classic Debet

Kart tam ekoloji material olmaqla dünya okeanından toplanmış təkrar emal olunan plastik materialdan hazırlanıb. TamEko kartı sifariş verdiyiniz zaman hər karta görə bir ağac əkiləcək.